One More Chance Pa More! 

First time ‘kong gumawa ng movie review, well, teaser review bale dahil teaser pa lang naman ang nakita ko, at malamang n’yo rin. Pero ito ang mga bumagabag sa’kin ng todo ng makita ko ang part 2 ng pelikula nila Popoy at Basha.

Ang wig ni Basha! 

Naman! 2015 na, karami-raming pera ng Star Cinema pero pagdating sa pagpili ng peluka nag artista, laging ang chaka! Isa pa bakit ba laging naka-wig si Basha? Panot ba ‘sya?


Ang mga Monoblock na Silya.

I’m not being judgemental ha, pero Engineer si Popoy, architect si Basha, ‘tas ang upuan nila sa Dining area plastik? Naman!

Pero ‘yun nga, the fact na ‘di sila makabayad ng kuryente eh malamang may pinagdadaanan sila, hence the Monoblock kaya sige iintindihin ko na lang sila.

“Hindi na’ko sigurado Bash. Hindi na’ko sigurado kung tamang nagkabalikan pa tayo”.

Ano ba kase pinag aawayan? Dahil ‘di nakabayad ng kuryente?! ‘Di ba nila nababalitaan ang online payment o bayad centre? Si Popoy naman talaga, oo!

 Si Erik Santos. 

Tahimik na tahimik tas biglang hihiyaw ‘tong si Erik ng “I’ll never goooo far away from you…” Namomroblema na nga ‘yung mag asawa, kanta pa rin ng kanta, kalma lang ok? Konting katahimikan lang please!


Mga 50 times ko siguro pinanood ‘ung unang pelikula at ok na nga ako ‘dun, ayos na’ko maski walang sequel. Kaya nung mapanood ko ang trailer, nagulat ako, maganda naman, kaya lang medyo mabigat. Pero wala eh, ganun talaga, maski sa buhay ‘ung akala mo tapos na, may karugtong pa pala.

——
 

“kapag ang mahal natin ay iniwan tayo wag ka malungkot, dahil siguradong may darating na bagong taong hindi man maibibigay ang hinahanap natin matatanggap naman tayo at mamahalin”- Basha